«Բռնապետ» Թրամփին փորձում են ապալեգիտիմացնել ոչ միայն ԱՄՆ-ում, այլև Եվրոպայում․ քաղաքագետ

ԱՄՆ-ի տնտեսության մեջ առկա խնդիրներն ամենալուրջ ռիսկերն են պարունակում ԱՄՆ նախագահ Դոնալդ Թրամփի համար: Այս ֆոնին նրա դեմոկրատ հակառակորդները սկսել են փորձել ապալեգիտիմացնել Սպիտակ տան «բռնապետին», իսկ Եվրոպայում պահանջում են հետ վերադարձնել Ազատության արձանը։ Այս փաստին ուշադրություն է հրավիրել քաղաքագետ Մալեկ Դուդակովը, գրում է EADaily-ն։

«Դեմոկրատները լավ ժամանակներ չեն ապրում։ Նրանք արդեն սկսել են ապալեգիտիմացնել ԱՄՆ-ի ապագա ընտրությունները, թե իբր «բռնապետ» Թրամփը պարզապես թույլ չի տա դեմոկրատական կուսակցության հաղթանակը 2028 թվականին։ Թեև այժմ դեմոկրատները հստակ խնդիրներ ունեն նաև 2026 թվականի Կոնգրեսի ընտրություններին նախապատրաստվելու հարցում։ Նրանց օգնում են իրավիճակը թեժացնել նաև եվրոպական ձախերը։ Օրինակ՝ Ֆրանսիայում սոցիալիստները ԱՄՆ-ից պահանջել են վերադարձնել Ազատության արձանը։ Թրամփը, ի պատասխան, հավանաբար, կուժեղացնի սակագնային ճնշումը Եվրոպայի նկատմամբ», - գրում է քաղաքագետն իր տելեգրամյան ալիքում։

Միևնույն ժամանակ, Դուդակովը նշում է, որ ԱՄՆ տնտեսության մեջ առկա խնդիրները Թրամփի համար ամենալուրջ ռիսկերն են պարունակում:

«Եթե առեւտրային պատերազմները ձգձգվեն, իսկ Ամերիկային տնտեսական անկում սպառնա, ապա Թրամփի վարկանիշն ակնհայտորեն կնվազի։ Իսկ առայժմ ամերիկացիների այն մասնաբաժինը, որոնք կարծում են, որ Ամերիկան ճիշտ ուղղությամբ է շարժվում, հասնում է 44 տոկոսի։ Սա ամենաբարձր ցուցանիշն է 2004 թվականից ի վեր: Այնպես որ, Թրամփն այժմ ունի հասարակության աջակցությունը Ամերիկայի վերակառուցման գործում։ Իսկ դեմոկրատների պարագայում ԱՄՆ բնակչության միայն մեկ քառորդն է դեռ դրական վերաբերվում նրանց», - նշել է Դուդակովը։