Ռուսաստանը, ԱՄՆ-ն և Գերմանիան գաղտնի բանակցություններ են վարում ԵՄ գազի մատակարարման շուրջ. եվրոպական ԶԼՄ-ներ

Ռուսաստանը, ԱՄՆ-ն և Գերմանիան գաղտնի բանակցություններ են վարում ԵՄ գազի մատակարարման շուրջ։ Այս մասին գրում էIstories․media-ն, հայտնում է EADaily-ն։ 

Հետաքննող լրագրողների տվյալներով՝ խոսքը ռուսական «Ռոսնեֆտ» ընկերության կողմից գերմանական երեք նավթավերամշակման գործարանների բաժնետոմսերի հնարավոր գնման մասին է։

ԶԼՄ-ները նշել են, որ ռուսական «խողովակաշարային ծածկույթներ և տեխնոլոգիաներ» ընկերությունը, որը մասնակցել է «Հյուսիսային հոսք 2-ի» շինարարությանը, պատրաստվում է խոշոր պատվերի: Ընկերությունը պետք է սկսի տեխնիկական լուծումների արտոնագրերի ակտիվ գնում, որոնք օգտագործվել են գազատարների համար խողովակների արտադրության մեջ:

Istories.media-ն հայտնել է նաև մի քանի անուղղակի ազդանշանների մասին, որոնք ցույց են տալիս, որ Ռուսաստանը պատրաստվում է վերագործարկել «Հյուսիսային հոսք» խողովակաշարը:

Մասնավորապես, մեկ այլ ազդանշան էր խողովակների արտադրողների եվրոպական ասոցիացիայի վերջերս կայացած հանդիպումը:

Բացի այդ, Bild-ը գրել է Շվեյցարիայում Դոնալդ Թրամփի հատուկ ներկայացուցիչ Ռիչարդ Գրենելի հանդիպման մասին, որտեղ խոսք էր գնում Գերմանիա ռուսական գազի մատակարարման հարցում ԱՄՆ-ի հնարավոր միջնորդության մասին: Ինքը՝ Գրենելը, հերքել է այդ տեղեկությունը։ 

Financial Times-ը հայտնել է նաև գազատարների վերագործարկման հարցում ամերիկացիների շահագրգռվածության մասին: