Ռուսաստանում հայրը կտրել է իր մեկամյա որդու ականջի մի մասը. Երեխան խանգարել էր նրան քնել

Ալթայի Հանրապետության բնակիչը մեկամյա որդուն խոշտանգելուց հետո քրեական գործով մեղադրյալ է դարձել։ Այս մասին հայտնում է ՌԴ Քննչական կոմիտեի մարզային վարչությունը։

Միջադեպը տեղի է ունեցել Սեյկա գյուղում։ Ըստ նախնական տեղեկությունների՝ երեխան տղամարդուն չի թողել քնել։ Իրավիճակից դժգոհ տղամարդը մի քանի ժամ ծեծի է ենթարկել տղային՝ վնասվածքներ հասցնելով գլխին և մարմնին։ Ինչ-որ պահի հայրը ծխախոտը հանգցրել է որդու ոտքին և կտրել նրա ձախ ականջի ծայրը։

Երեխան փրկվել է և այժմ գտնվում է հիվանդանոցում, որտեղ նրան անհրաժեշտ օգնությունն է ցուցաբերվում։

Հոր դեմ գործ է հարուցվել անչափահասին խոշտանգելու հոդվածով. Ինքը՝ ամբաստանյալը, ընդունել է մեղքը, և շուտով նրա նկատմամբ խափանման միջոց է ընտրվելու։

«Քննիչները նախաձեռնել են հոր կողմից բռնության ենթարկված անչափահաս երեխային ընտանիքից հետագայում հեռացնելու, նրան սոցիալական աջակցության և հոգեբանական վերականգնողական միջոցներ տրամադրելու կանխարգելման համակարգի միջոցների ընդունումը», - ասվում է հրապարակման մեջ։

Այս պահին ՌԴ Քննչական կոմիտեի աշխատակիցները հետաքննություն են անցկացնում։

Թարգմանությունը՝ Մանուել Թամազյանի