Ո՞նց անենք, որ Սփյուռքն առավոտ արթնանա, գնա հայկական ապրանք ձեռք բերի. Խաչատուր Սուքիասյան

ԱԺ ՔՊ–ական Խաչատուր Սուքիասյանը  Տարածաշրջանային և եվրասիական ինտեգրման մշտական ​​խորհրդարանական հանձնաժողովի նիստի ժամանակ հարցրեց, թե կառավարությունն ինչ է անում, որպեսզի օգտագործի սփյուռքի պոտենցիալը՝ հայկական ապրանքների վաճառքի համար։

«Սփյուռք ունենք, մի քանի միլիոն մարդ է դրսում ապրում, ո՞նց անենք, որ համակարգի բերենք, որ էդ սփյուռքը առավոտ արթնանա, գնա հայկական ապրանք ձեռք բերի։  Ուրեմն, ով որ հայկական ապրանք ձեռք չի բերելու՝ էն, որ բառեր են օգտագործում, իր վերաբերյալ այդ բառը պետք է օգտագործել»,- հայտարարեց Սուքիասյանը։

Նա հարցրեց, թե ինչ համակարգ ենք ստեղծում, որ հայկական ապրանքը գնա սփյուռք և այնտեղ վաճառվի, ինչին Էկոնոիմկայի նախարար Գևորգ Պապոյանն արձագանքեց, որ արտահանման ժամանակ միայն սփյուռքի վրա չպետք է կենտրոնանալ։

«Լոս Անջելեսում մի քանի հարյուր խանութ կար և երկար ժամանակ դրանից դուրս չէինք կարողանում գալ, պետք է կենտրոնանալ առհասարակ ամերիկյան շուկայի վրա և գտնել մատակարարներ, որոնց աշխատանքի արդյունքում հնարավոր կլինի այդ շուկան ներթափանցել»,-նշեց Պապոյանը։