ԱՄՆ-ի և հութիների դիմակայությունը սպառնում Է Չինաստանի շահերին. փորձագետ

ԱՄՆ-ի և Եմենի «Անսար Ալլահ (հութիներ) ապստամբական շարժման դիմակայության սրումը սպառնալիք է տարածաշրջանում ՉԺՀ-ի տնտեսական շահերի համար։ ՏԱՍՍ-ի թղթակցի հետ զրույցում նման կարծիք է հայտնել Չինաստանի «Թայհե» վերլուծական ինստիտուտի ավագ գիտաշխատող, Մերձավոր Արեւելքի հարցերով փորձագետ Ու Յհունը:

«Մերձավոր Արևելքում քաղաքական խաղերի բարդացումը պոտենցիալ սպառնալիք է ներկայացնում Չինաստանի շահերի համար և կարող է անուղղակիորեն ազդել նրա տնտեսության վրա։ Կարմիր ծովով անցնող երթուղին կազմում է Չինաստանի առևտրի մոտ 30%-ը Եվրոպայի հետ, և առաքման ծախսերի աճը և բեռնափոխադրման հետաձգումը կարող են ազդել չինական ընկերությունների շահերի վրա», - ասել է Յհունը:

Նա ենթադրել է, որ եթե Իրանի միջամտությունը սրի իրավիճակը, ապա դա կարող է ազդել Մերձավոր Արևելքում էներգետիկայի ոլորտում Չինաստանի համագործակցության նախագծերի վրա:

«Հութիները վաղուց արդեն համարվում են Իրանի վստահված անձինք։ Եմենի ուղղությամբ ԱՄՆ-ի և Իսրայելի ավիահարվածները կոչված են նախազգուշացնող ազդանշան ուղարկել Թեհրանին», - նշել է նա։

Փորձագետը կարծում է, որ հուսիների դեմ ԱՄՆ-ի ռազմական գործողությունը չի կարող կարճաժամկետ հեռանկարում ամբողջությամբ վերացնել ապստամբներից բխող սպառնալիքը:

Վաշինգտոնի գործողությունները կարող են հանգեցնել հյուծման երկարատև պատերազմի, իսկ Կարմիր ծովում իրավիճակի սրումը կարող է խորացնել տարածաշրջանային անկայունությունն ու գլոբալ տնտեսական ռիսկերը, հավելել է նա: