Գտնվել է գլխուղեղի վտանգավոր քաղցկեղից «ազատվելու» նոր միջոց

Sylvester Comprehensive Cancer Center-ի գիտնականները պարզել են, որ ZNF638 սպիտակուցի արգելակումը կարող է առաջացնել հատուկ հակավիրուսային իմունային պատասխան՝ բարձրացնելով գլիոբլաստոմայի բուժման արդյունավետությունը: Հետազոտության արդյունքները հրապարակվել են Journal of Clinical Investigation (JCI) ամսագրում:

Գլիոբլաստոման մեծահասակների մոտ գլխուղեղի ուռուցքի ամենատարածված տեսակն է: Չնայած այս տեսակի քաղցկեղի տարածվածությանը, վերջին երկու տասնամյակի ընթացքում դրա բուժման արդյունքները գրեթե չեն բարելավվել:

Գլիոբլաստոման նույնպես վատ է արձագանքում անցակետերի ինհիբիտորներին (CPIs): Այս իմունո-ուռուցքաբանական դեղամիջոցները ուղղված են սպիտակուցներին, որոնք սովորաբար թուլացնում են իմունային պատասխանը: Նման դեղամիջոցները հեղափոխել են քաղցկեղի բազմաթիվ տեսակների բուժումը, սակայն դրանց արդյունավետությունը գլիոբլաստոմայի բուժման համար սահմանափակված է ուռուցքի բարձր իմունային ճնշող միջավայրով:

Քանի որ գլիոբլաստոման դժվար է ուղղակիորեն բուժել, գիտնականները որոշել են «հնարք կիրառել»: Նրանք կենտրոնացած էին վիրուսային միմիկայի վրա՝ քաղցկեղի առաջավոր բուժման միջոց, որը խաբում է մարմնին մտածելու, որ ուռուցքը վարակված է վիրուսով և առաջացնում է իմունային պատասխան:

Գիտնականները դիմել են ZNF638-ին՝ սպիտակուցների խմբի հիմնական կարգավորիչին, որոնք ճնշում են ռետրովիրուսներին: Հետազոտողները պարզել են, որ ցածր ZNF638 էքսպրեսիայով հիվանդներն ավելի բարձր գոյատևման ցուցանիշներ են ունեցել ՏՀՏ թերապիայի միջոցով: Լաբորատոր փորձերը նաև ցույց են տվել, որ ZNF638-ի ցածր մակարդակ ունեցող ուռուցքներն ավելի շատ իմունային բջիջներ ունեն:

Այս արդյունքներով զինված գիտնականներն արգելափակել են ZNF638-ի ֆունկցիան գլիոբլաստոմա ունեցող մկների մոտ: ZNF638 թիրախավորումը իմունային անցակետի արգելակող թերապիայի հետ համատեղելը զգալիորեն դանդաղեցրեց ուռուցքի աճը և բարելավեց գոյատևման մակարդակը:

Խոստումնալից արդյունքները ցույց են տալիս, որ ZNF638-ը ապագայում կարող է դառնալ բիոմարկեր, որը կարող է օգտագործվել անհատականացված բուժման պլաններ ստեղծելու համար: Գիտնականները նաև նշել են, որ այս սպիտակուցի թիրախավորումը թույլ կտա ՏՀՏ-ն արդյունավետ օգտագործել ավելի մեծ թվով հիվանդների բուժման համար:

Թարգմանությունը՝ Մանուել Թամազյանի