Օվերչուկը՝ ՌԴ–ի, Ադրբեջանի և Հայաստանի եռակողմ հանձնաժողովի աշխատանքի վերսկսման մասին
Արտաքին Քաղաքական
Ռուսաստանի, Հայաստանի և Ադրբեջանի փոխվարչապետներիմակարդակով եռակողմ հանձնաժողովի աշխատանքը չի դադարեցվել, սակայն ներկայումս գտնվում է «քնած» վիճակում։
Ինչպես հաղորդում է ՏԱՍՍ-ը, այս մասին լրագրողներին հայտարարել է ՌԴ փոխվարչապետ Ալեքսեյ Օվերչուկը։
«Ինչ վերաբերում է փոխվարչապետների եռակողմ աշխատանքային խմբին, ապա այն սահմանվել է 2020 թվականի նոյեմբերի 9-10-ի հայտարարության շրջանակներում, համապատասխանաբար, Ռուսաստանի Դաշնության, Հայաստանի և Ադրբեջանի ղեկավարների համատեղ հայտարարությամբ։ Հիմա այն այսպես ասած քնած վիճակում է։ Գիտենք, որ այս թեմայով շփումներ են իրականացվում գործընկերների միջև»,- ասել է նա՝ պատասխանելով համապատասխան հարցին։
«Ոչ ոք այն չի փակել, և եթե գործընկերները դիմեն մեզ, և մենք ինչ-որ կերպ կարող ենք օգտակար լինել, իսկ մենք կարող ենք օգտակար լինել, ապա, իհարկե, ուրախ կլինենք շարունակել այս աշխատանքը: Բայց դա կախված է գործընկերներից»,- հավելել է Օվերչուկը:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
