Լոնդոնը մերժում է Պուտինի՝ զենքի մատակարարումը դադարեցնելու պահանջը. Bloomberg

Միացյալ Թագավորության կառավարությունը մերժել է Ռուսաստանի նախագահ Վլադիմիր Պուտինի պահանջը, որ Ուկրաինայի դաշնակիցները դադարեցնեն զենքի մատակարարումները Կիև ցանկացած զինադադարի ընթացքում։ Այս մասին հայտնում է Bloomberg-ը։

«Մենք միշտ կշարունակենք ռազմական աջակցություն ցուցաբերել Ուկրաինային», - չորեքշաբթի Լոնդոնում լրագրողներին ասաց վարչապետ Քիր Սթարմերի խոսնակ Դեյվ Փարեսը։

Սա վերաբերում է «բոլոր սցենարների դեպքում», - ընդգծել է Փարեսը:

Սա նրա պատասխանն էր այն հարցին, թե արդյոք Բրիտանիան կարող է համաձայնվել ռազմական օգնության մատակարարումը դադարեցնելու Ռուսաստանի համառ պահանջին:

Երեքշաբթի օրը Պուտինի և ԱՄՆ նախագահ Դոնալդ Թրամփի հեռախոսազրույցի մասին Կրեմլի հաղորդագրության մեջ ասվում է, որ Ռուսաստանը մի քանի պայմաններ է դրել երկարաժամկետ հրադադարի համար, այդ թվում՝ դադարեցնել օտարերկրյա զենքի մատակարարումները և Ուկրաինային հետախուզական աջակցությունը, հայտնում է Bloomberg-ը։

Ինչպես նախօրեին հայտնել էր EADaily-ն, Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը հեռախոսազրույցի ընթացքում շարունակել են կարծիքների մանրամասն և անկեղծ փոխանակումը Ուկրաինայի շուրջ ստեղծված իրավիճակի վերաբերյալ։ Այս մասին նախօրեին հայտնել է Կրեմլի մամուլի ծառայությունը Telegram-ի իր ալիքում։

Թարգմանությունը՝ Մանուել Թամազյանի