Զելենսկին Թրամփի հետ քննարկել է Զապորոժիեի ԱԷԿ-ի ճակատագիրը
Համաշխարհային Մամուլ
Ուկրաինայի նախագահ Վոլոդիմիր Զելենսկին հայտնել է, որ նախօրեին կայացած հեռախոսազրույցում ԱՄՆ նախագահ Դոնալդ Թրամփի հետ քննարկել է Զապորոժիեի ատոմակայանի ճակատագիրը։ Նրա խոսքերը մեջբերում է RBC-Ukraine-ն։
«Մենք խոսել ենք բացառապես մեկ կայանի մասին»,- ընդգծել է Զելենսկին։
«Ուկրաինական ատոմակայանների տեղափոխումն ԱՄՆ-ին չի քննարկվել»,-հավելել է նա։ Զապորոժիեի ԱԷԿ-ը գտնվում է Ռուսաստանի վերահսկողության տակ և փոխանցվել է դաշնային սեփականությանը։
Զելենսկին և Թրամփը հեռախոսազրույց են ունեցել մարտի 19-ին։ Դա տեղի է ունեցել ԱՄՆ նախագահի ռուս գործընկեր Վլադիմիր Պուտինի հետ հեռախոսազրույցի հաջորդ օրը։
Սպիտակ տունը հանրապետականի հետ Ուկրաինայի նախագահի զրույցից հետո հայտնել է, որ Թրամփը Ուկրաինային օգնություն է առաջարկել ատոմակայանի կառավարման հարցում։ Սպիտակ տան մամուլի քարտուղար Քերոլայն Լևիթը նշել է, որ կայանների նկատմամբ ԱՄՆ-ի սեփականությունը «կլինի լավագույն պաշտպանությունը այս ենթակառուցվածքի համար և աջակցություն Ուկրաինայի էներգետիկ ենթակառուցվածքին»:
ՈՒՂԻՂ ԵԹԵՐ
Ամենադիտված 
Մարիամ Փաշինյանը ներկայացել է նոր ֆոտոշարքով
