Գիտնականները կյանքի անհայտ ձևի հետքեր են հայտնաբերել Աֆրիկայի և Մերձավոր Արևելքի անապատներում

Յոհաննես Գուտենբերգի համալսարանի գերմանացի գիտնականները Նամիբիայի, Օմանի և Սաուդյան Արաբիայի անապատային շրջաններում անսովոր կառույցներ են հայտնաբերել, որոնք, հավանաբար, անհայտ մանրէաբանական կյանքի ձևի գործունեության արդյունք են: Այս հետքերը մանր թունելներ են մարմարից և կրաքարից: Հետազոտությունը հրապարակվել է Geomicrobiology Journal (GMBJ) գիտական ​​ամսագրում:

Հանքանյութերում բաց անցումները ունեին մոտ 0,5 միլիմետր լայնություն և մինչև երեք սանտիմետր երկարություն։ Խողովակները կազմել են մինչև 10 մետր երկարությամբ շերտեր և լցված են եղել կալցիումի կարբոնատի նուրբ փոշիով։

Թունելների տարիքը գնահատվում է 1–2 միլիոն տարի։ Գիտնականները կարծում են, որ դրանք կարող են ձևավորվել ավելի խոնավ կլիմայական պայմաններում, քան ժամանակակից անապատը:

Թիմը նաև կենսաբանական նյութ է հայտնաբերել խողովակների ներսում, սակայն չի կարողացել մեկուսացնել ԴՆԹ-ն կամ սպիտակուցները՝ միկրոօրգանիզմները բացահայտելու համար:

«Մենք չգիտենք՝ կյանքի այս ձևը անհետացել է, թե դեռ մոտակայքում է», - ասում է պրոֆեսոր Սեյս Պասկիեն, ով ղեկավարել է հետազոտությունը:

Թիմը հույս ունի, որ էնդոլիտ մանրէաբանության մասնագետները կշարունակեն ուսումնասիրել այդ կառույցները:

«Կյանքի այս ձևը կարող է կարևոր լինել գլոբալ գործընթացները հասկանալու համար, ինչպիսին է ածխածնի ցիկլը, ուստի կենսականորեն կարևոր է, որ գիտական ​​հանրությունն իմանա դրա մասին», - ասաց Պասկիեն:

Թարգմանությունը՝ Lurer.com-ի