«Արաբական երկրներն իրենց զորքերը պետք է ուղարկեն Սիրիա». Քաթարի շեյխ

Քաթարի էմիր Համադ Բին–Խալիֆը հայտարարել է, որ արաբական երկրները շտապ պետք է իրենց զորքերն ուղարկեն Սիրիա տեղի զինված ուժերի կողմից խաղաղ բնակչության սպանությունները և բռնությունները կանխելու համար։  

Բին–Խալիֆը նման հայտարարություն է արել ամերիկյան CBS հեռուստաընկերության տված հարցազրույցում։ 

Սա առաջին նման հայտարարությունն է` արաբական երկրների ղեկավարների կողմից հնչած։ 

Սիրիայում արդեն 10 ամիս է` չեն դադարում հակակառավարական բողոքի ցույցերը, որի հետևանքով կառավարական զորքերի և ցուցարարների միջև տեղի ունեցող բախումների ընթացքում, ըստ ՄԱԿ–ի տվյալների, զոհվել է ավելի քան 5 հազ. մարդ։