Ավստրիայի նախկին արտգործնախարարը պատմել է Լավրովի հումորի զգացումի մասին
Ռուսաստան
Ռուսաստանի արտգործնախարար Սերգեյ Լավրովը յուրօրինակ հումորի զգացում ունի։ Այս մասին հայտարարել է Ավստրիայի ԱԳՆ նախկին ղեկավար Կարին Կնայսլը ՌԻԱ Նովոստիի հետ զրույցում։
Նրա կարծիքով՝ հումորի զգացում ունեն միայն խելացի մարդիկ։
Նա հիշել է մի դեպք, երբ Լավրովը ՌԴ նախագահ Վլադիմիր Պուտինին ուղեկցում էր Ավստրիա 2018 թվականին։ Ավստրիայի խորհրդարանի խոսնակը վիրավորական հայտարարություն է արել ճաշի ժամանակ։
«Նա ասաց, որ Ռուսաստանը մշտապես ներխուժում է և միջամտում այլ երկրների գործերին։ Նախագահ Պուտինը դիմեց նախարար Լավրովին և հարցրեց. «Մենք ներխուժո՞ւմ ենք այլ երկրներ»։ Ինչին ի պատասխան՝ Լավրովն ասաց. «Ոչ, մենք չենք ներխուժում»: Այդ ժամանակ Պուտինը հարցրեց. «Այդ դեպքում ինչո՞ւ եմ ես Ձեզ վճարում»:
Ավստրիայի ԱԳՆ նախկին ղեկավարը հավելել է, որ Պուտինն ու Լավրովն այն ժամանակ հումորով են արձագանքել, քանի որ դա վիրավորանքին պատասխանելու միակ միջոցն էր։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
