Ռուսաստանցիների քանի տոկոսն է վստահում Պուտինին

Հարցված ռուսաստանցիների մեծ մասը (79,8%) ասել է, որ վստահում է ՌԴ նախագահ Վլադիմիր Պուտինին։ Այս մասին տվյալները հրապարակվել են VTsIOM կայքում։

Շաբաթական հարցման համաձայն՝ Ռուսաստանի ղեկավարի աշխատանքին հավանություն է տալիս հարցված քաղաքացիների 78,1%-ը։ Ընդ որում, նախագահին չի վստահում հարցվածների 16%-ը։

Հարցվածների կեսից ավելին (62,4%) պատասխանել է, որ ՌԴ կառավարությունը լավ է աշխատում, մինչդեռ հարցվածների 18,4%-ը նշել է, որ կաբինետը վատ է աշխատում։ Կառավարության ղեկավար Միխայիլ Միշուստինի աշխատանքը դրական է գնահատել հարցման մասնակիցների 53,4%-ը, մինչդեռ հակառակ կարծիքին է հարցվածների 10,1%-ը։

Ռուսաստանի Հանրային պալատի օրինագծերի հանրային քննության հանձնաժողովի նախագահի առաջին տեղակալ, քաղաքագետ Ալեքսանդր Ասաֆովը նշել է, որ Պուտինի նկատմամբ վստահության բարձր մակարդակը սեպտեմբերի 6-8-ի ընտրություններին վերջին 10 տարվա ռեկորդային մասնակցության հիմնական պատճառներից մեկն է։