Պուտինը հեռախոսզրույց է ունեցել Կատարի էմիրի հետ

ՌԴ նախագահ Վլադիմիր Պուտինը հեռախոսազրույց է ունեցել Կատարի էմիր Թամիմ բեն Համադ Ալ Թանիի հետ։ Այս մասին հայտնել է Կրեմլի մամուլի ծառայությունը։

Կողմերը քննարկել են ռուս-կատարական համագործակցության հետագա զարգացման հարցեր՝ հաշվի առնելով օրերս Դոհայում կայացած երկկողմ միջկառավարական հանձնաժողովի նիստի արդյունքները։

Նշվել է, որ Ռուսաստանն ու Կատարը կհամագործակցեն ի շահ Սիրիայում սոցիալ-տնտեսական իրավիճակի կայուն կայունացման։ Անհանգստություն է արտահայտվել Գազայի հատվածում ռազմական գործողությունների վերսկսման կապակցությամբ։

Պուտինը նաև շնորհավորել է Կատարի ղեկավարությանը և ժողովրդին սուրբ Ռամադան ամսվա կապակցությամբ։

Կատարի էմիրն ավելի վաղ հայտարարել էր, որ Դոհան աջակցում է Ուկրաինայի հակամարտության կարգավորման բոլոր նախաձեռնություններին։ Ավելի վաղ հաղորդվել էր, որ բանակցությունների ընթացքում երկրների ներկայացուցիչները քննարկել են երկու բարեկամ երկրների երկկողմ հարաբերություններն ու դրանց ամրապնդման ու զարգացման ուղիները, ինչպես նաև քննարկել են Ռուսաստանի և Կատարի համար փոխադարձ հետաքրքրություն ներկայացնող մի շարք հարցեր։

Թարգմանությունը՝ Մանուել Թամազյանի