Բժիշկը բացահայտել է մեկանգամյա խմելու հետևանքները

Ադիկտոլոգ, «Էդելվեյս» վերականգնողական կենտրոնի կլինիկական հոգեբան Անտոն Անտիպովը պատմել է, թե ինչ հետևանքների է հանգեցնում մեկանգամյա հարբեցողությունը: Այդ մասին բժիշկը բացահայտել է Lenta-ին։ 

Մասնագետի խոսքով՝ չափից շատ խմելը կարող է առաջացնել լյարդի հետ կապված խնդիրներ, նյարդաբանական խանգարումներ, հիշողության վատացում, գաստրիտ, սրտի ռիթմի խանգարումներ, ինչպես նաև ալկոհոլային կոմա:

«Մեկանգամյա օգտագործման դեպքում մարդկանց մոտ կարող է առաջանալ անհանգստություն, ագրեսիա կամ դեպրեսիա։ Ալկոհոլի մեծ չափաբաժիններով օգտագործումը երբեմն կապված է սթրեսի բարձր մակարդակի հետ, իսկ ոմանց համար չարաշահումը դառնում է լարվածությունը թուլացնելու նորմ: Սա արատավոր շրջան է ստեղծում, որտեղ ալկոհոլը դառնում է իրականությունից փախչելու միջոց», - հավելել է հոգեբանը։

Անտիպովը նշել է, որ եթե հարբեցողությունը կանոնավոր է դառնում, ալկոհոլը կարող է լյարդի ճարպային դիստրոֆիայի, ալկոհոլային հեպատիտի և ցիռոզի, ինչպես նաև ինսուլտի պատճառ դառնալ:

«Բացի այդ, մշտական հարբեցողությունը վատացնում է մտերիմների հետ փոխըմբռնումը եւ աշխատանքային հարաբերություններում խնդիրներ ստեղծում», - ընդգծել է մասնագետը։