Newsweek-ը պարզել է՝ Թրամփի որ քայլն է սարսափեցնում Եվրոպային

ԱՄՆ նախագահ Դոնալդ Թրամփը կարող է խաթարել ՆԱՏՕ-ի գործունեությունը, և դրա համար երկիրը կարիք չունի լքել դաշինքը: Այս մասին հայտնում է ամերիկյան Newsweek ամսագիրը։

«Եվրոպայում սարսափի ալիք է բարձրացել, որ ԱՄՆ-ն նախագահ Դոնալդ Թրամփի ղեկավարությամբ կարող է դուրս գալ ՆԱՏՕ-ից», - ասվում է հոդվածում:

Միևնույն ժամանակ, հրապարակման հեղինակը նշում է, որ Թրամփը, ով հայտնի է ՆԱՏՕ-ի նկատմամբ ԱՄՆ-ի առաջնորդությամբ իր թերահավատ վերաբերմունքով, դաշինքից դուրս գալու կարիք չունի:

Պարբերականը հիշերել է, որ ՆԱՏՕ-ից պաշտոնական դուրս գալը երկարատև գործընթաց է։ Մասնավորապես, անհրաժեշտ է մեկ տարի առաջ տեղեկացնել ՆԱՏՕ-ի մյուս անդամ-երկրներին դաշինքից դուրս գալու որոշման մասին, ինչպես նաև պետք է խորհրդակցություններ անցկացնել ամերիկյան Կոնգրեսի որոշ կոմիտեների հետ և ստանալ նրա հավանությունը:

Էքսեթերի համալսարանի դոցենտ Դևիդ Բլագդենը կարծում է, որ Թրամփը ձևականություններից խուսափելու համար կարող է ստիպել Հյուսիսատլանտյան դաշինքի մյուս երկրներին կասկածի տակ դնել Միացյալ Նահանգների հավատարմությունը հավաքական պաշտպանության մասին ՆԱՏՕ-ի պայմանագրի 5-րդ հոդվածին:

Պարբերականը նշում է, որ նման էֆեկտ կունենա Եվրոպայում ԱՄՆ Զինված ուժերի ընդգրկուն ներկայության կասեցումը, դաշինքի զորավարժություններին պետությունների մասնակցության դադարեցումը, ինչպես նաև Եվրոպայում դաշինքի միավորված զինված ուժերի գերագույն գլխավոր հրամանատարի պաշտոնից հրաժարվելը:

ՆԱՏՕ-ի կանոնադրության 5-րդ հոդվածում ասվում է, որ «եթե զինված հարձակում լինի դաշինքի անդամ թեկուզ մեկ երկրի վրա, ապա դա կնշանակի հարձակում դաշինքի վրա որպես ամբողջություն, և դաշնակից երկրները պարտավոր են օգնություն տրամադրել տուժած կողմին»: