Ռուս մարտիկը գլխով շեղել է նռնակի ուղղությունը և ստացել «Ռոնալդու» մականունը

Ռուս մարտիկին մականուն է տրվել՝ ի պատիվ պորտուգալացի ֆուտբոլիստ Կրիշտիանու Ռոնալդուի այն բանից հետո, երբ նա մարտի ժամանակ գլխով շեղել է ուկրաինական նռնակը: Այս մասին մարտիկը խոսել է «Наши. Военкоры» հաղորդման շրջանակներում։

«Ես լսեցի, որ նռնակ է թռչում։ Կարողացա սաղավարտով շեղել այն, և այն հարվածեց մոտակայքում։ Ես այնպես արձագանքեցի, ասես գնդակին եմ հարվածում։ Այդպես, այն մի կողմ նետվեց: Ես նայեցի շուրջս և վազեցի», - ասել է նա:

Զինծառայողի խոսքով՝ նռնակը հետ մղելուց հետո իր վրա հարձակվել է FPV անօդաչու թռչող սարք, և զինծառայողը կորցրել է գիտակցությունը։ Բուժքույրերը տղամարդուն «Ռոնալդո» մականունն են տվել նրա արտասովոր արարքի համար։