Ստամբուլի քաղաքապետ Իմամօղլուն հինգ ժամ հարցաքննվել է

Ստամբուլի քաղաքապետ Էքրեմ Իմամօղլուն, ով ձերբակալվել էր ահաբեկչությանն օժանդակելու և խարդախության մեղադրանքով, ավարտել է իր ցուցմունքը։ Այս մասին հայտնում է A Haber հեռուստաալիքը։

«Ցուցմունք տալու գործընթացն ավարտվել է։ Իմամօղլուն ցուցմունք է տվել հինգ ժամ»,- ասվում է հայտարարության մեջ։

Հայտնի է, որ Իմամօղլուն հերքում է իրեն առաջադրված մեղադրանքը։

Մարտի 19-ին Ստամբուլի քաղաքապետ Էքրեմ Իմամօղլուն բերման է ենթարկվել։ Նրան մեղադրել են կոռուպցիայի մեջ և ձերբակալել։ Այս ֆոնին թուրքական լիրայի փոխարժեքը իջավ ռեկորդային ցածր մակարդակի, արգելափակվեցին հիմնական սոցիալական ցանցերն ու մեսենջերները, իսկ փողոցներում սկսվեցին զանգվածային բողոքի ցույցեր։