ԱՄՆ-ի հարկային եկամուտները կարող են նվազել տասը տոկոսով. WP

ԱՄՆ-ի հարկային եկամուտները կարող են նվազել 10%-ով այս գարնանը Ներքին եկամուտների ծառայության (IRS) կրճատումների և ԱՄՆ նոր քաղաքականության պատճառով առաջացած խափանումների ֆոնին, գրում է Washington Post-ը՝ վկայակոչելով հարկային կանխատեսումներին ծանոթ երեք աղբյուրներ:

Ավելի վաղ՝ մարտին, Associated Press-ը, հղում անելով աղբյուրներին, հայտնել էր, որ IRS-ը դիտարկում է աշխատակիցների թիվը կրճատելու հարցը՝ որպես բյուջետային ծախսերը կրճատելու ԱՄՆ Կառավարության արդյունավետության դեպարտամենտի (DOGE) նախաձեռնության մաս, մինչդեռ գործակալությունը փետրվարին աշխատանքից ազատել է մի քանի հազար աշխատողների:

«Հարկային բարձրաստիճան պաշտոնյաները պատրաստվում են այս գարնանը հավաքագրված եկամուտների կտրուկ անկմանը, քանի որ ավելի շատ մարդիկ և բիզնեսներ խուսափում են հաշվետվություններ ներկայացնելուց կամ փորձում են խուսափել IRS-ին իրենց պարտքը վճարելուց… հաղորդում է.

Թերթի ձեռք բերած փաստաթղթերի համաձայն, IRS-ի բարձրաստիճան պաշտոնյաները նախազգուշացրել են Թրամփի վարչակազմի պաշտոնյաներին նման արդյունքների մասին նույնիսկ նրա երդմնակալությունից առաջ:

Գործակալության մի քանի աշխատակիցներ թերթին ասել են, որ այն դադարեցրել է խոշոր կորպորացիաների և հարկատուների հետաքննությունը, քանի որ IRS-ը ստիպված է եղել վերաբաշխել ռեսուրսները՝ իր ներքին համակարգերը գործարկելու համար:

Թարգմանությունը՝ Մանուել Թամազյանի