Արդարադատության պալատում ավարտվել է Ստամբուլի կալանավորված քաղաքապետի հարցաքննությունը
Թուրքիա
Դատախազներն ավարտել են Արդարադատության պալատում ձերբակալված Ստամբուլի քաղաքապետ Էքրեմ Իմամօղլուի հարցաքննությունը, հայտնում է Halk TV-ն։
Հեռուստաալիքի տվյալներով՝ Իմամօղլուի նկատմամբ խափանման միջոցը դատարանը կորոշի կիրակի օրը՝ մարտի 23-ին։ Նրան կարող են կալանքի տակ վերցնել, տնային կալանքի տակ դնել կամ գրավի դիմաց ազատ արձակել։
Մարտի 19-ին Իմամօղլուն ձերբակալվել է կոռուպցիայի մեղադրանքով և կալանավորվել հաջորդ չորս օրվա ընթացքում։ Նա ընդդիմադիր Ժողովրդահանրապետական կուսակցության առաջնորդներից է և երկրի ներկայիս ղեկավար Ռեջեփ Էրդողանի հիմնական քաղաքական մրցակիցը։ Ձերբակալությունից մի քանի օր առաջ Իմամօղլուի դիպլոմը չեղյալ է համարվել (ըստ թուրքական օրենսդրության՝ բարձրագույն կրթություն չունեցող անձը չի կարող ընտրվել նախագահի պաշտոնում)։ Նա ինքը հերքել է իրեն առաջադրված մեղադրանքը։ Այս ձերբակալության ֆոնին թուրքական լիրայի փոխարժեքը իջավ ռեկորդային ցածր մակարդակի, արգելափակվեցին հիմնական սոցիալական ցանցերն ու մեսենջերները, իսկ փողոցներում սկսվեցին զանգվածային բողոքի ցույցեր։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
