ԱՄՆ-ը կարող է ավելի քան 530,000 ներգաղթյալի զրկել իրավական կարգավիճակից․ NBC
Համաշխարհային Մամուլ
ԱՄՆ նախագահ Դոնալդ Թրամփի վարչակազմը նախատեսում է դադարեցնել ավելի քան 530,000 ներգաղթյալի ժամանակավոր իրավական կարգավիճակը։ Այս մասին հայտնում է NBC-ն՝ հղում կատարելով փաստաթղթին։
Լրագրողների կարծիքով՝ խոսքը գնում է ներգաղթյալների մասին, որոնք ԱՄՆ են ժամանել նախկին նախագահ Ջո Բայդենի օրոք 2023 թվականին ներդրված հատուկ ծրագրով։ Այն թույլ է տվել օտարերկրացիներին ամերիկացի հովանավորի աջակցությամբ մուտք գործել երկիր և երկու տարի աշխատել ԱՄՆ-ում։ Ըստ NBC-ի՝ 2024 թվականին իշխանությունները ժամանակավորապես դադարեցրել են այս ծրագրի շրջանակներում ներգաղթյալների ընդունումը՝ մտավախությունների պատճառով, որ այն օգտագործվում է խարդախության սխեմաների համար:
Հեռուստաալիքը հայտնում է, որ Թրամփի վարչակազմը նախատեսում է չեղարկել Կուբայից, Հայիթիից, Նիկարագուայից և Վենեսուելայից Բայդենի օրոք մշակված մուտքի և ժամանակավոր կեցության ծրագրերի շրջանակներում ԱՄՆ ժամանած ավելի քան 530,000 մարդու ժամանակավոր իրավական կարգավիճակը։
Ինչպես հայտնում է NBC-ն, փաստաթուղթը, ամենայն հավանականությամբ, կհրապարակվի մարտի 25-ին, որից հետո ապրիլի 24-ին կավարտվի ԱՄՆ-ում ներգաղթյալների ժամանակավոր կեցության ծրագրերը։
Նշվում է, որ այն օտարերկրացիներից, ովքեր օգտվել են ծրագրից և ստացել օրինական ներգաղթային կարգավիճակ, չի պահանջվի լքել երկիրը։
ՈՒՂԻՂ ԵԹԵՐ
Ամենադիտված 
Զելենսկու աշխատասենյակում նկատել են վառվող Կրեմլի նկարը (լուսանկար)
