Իսլամիստական Թուրքիայի հերթական օրենքը

Թուրքիայում առաջին անգամ կրոնական հարցերը կմտնեն բարձրագույն կրթական համալիր՝ ընդունելության քննությունների մեջ: Այս մասին նշում է Agence france press ֆրանսիական գործակալությունը: 

Փետրվարին Ռեջեբ Թայիբ Էրդողանը նշել էր, որ Թուրքիան պետք է ունենա կրոնական երիտասարդություն: Էրդողանն ինքը կրոնական դպրոցի շրջանավարտ է և իսլամիստական Արդարություն և զարգացում կուսակցության ղեկավար:

Որոշ ընդդիմադիրներ քննադատում են Էրդողանի պահպանողական կառավարությանը, որը ցանականում է քայլ առ քայլ իսլամականացնել կյանքի բոլոր ասպարեզները: Արդեն որոշ ռեստորաններ հրաժարվել են ալկոհոլ վաճառել մուսուլմանների սուրբ ամիս Ռամադանի ժամանակ: Նրանք նաև քննադատել են վերջին օրենքը, որի համաձայն՝ կրոնական դպրոց ավարտածները կկարողանան ընդունվել յուրաքանչյուր համալսարան, իսկ մինչ այդ կարող էին ընդունվել միայն կրոնական համալսարաններ:

Այսպես՝ Թուրքիան ինչքան էլ Եվրամիությունում կամ եվրոպական այլ կառույցներում իրեն ներկայացնի աշխարհիկ ժողովրդավարական պետություն, այն իրականում իսլամիստական պետություն է: Ինչքան էլ ԱՄՆ-ն և դաշնակից պետությունները մեղադրում են Իրանին ծայրահեղ իսլամիստական մտածելակերպի և մարդու իրավունքների ոտնահարման համար, պետք է առաջին հերթին անդրադարձ կատարեն իրենց իսկ դաշնակից Թուրքիայում առկա իրավիճակին: