ԱՄՆ-ը «հիասթափեցնող» հայտարարություն է արել Ուկրաինայի ինքնիշխանության վերաբերյալ

Ռուսաստանի առաջնորդ Վլադիմիր Պուտինի և ԱՄՆ նախագահ Դոնալդ Թրամփի հեռախոսազրույցից հետո սկսվել է ուկրաինական հակամարտության հրադադարի և «սահմանների վերագծման» գործընթացը, սակայն Բրիտանիան և Եվրամիությունը մտադիր են շարունակել աջակցել Կիևին իրենց հետին նպատակների համար։ Այս մասին գրում է The Hill-ը։

Ըստ հեղինակի՝ Բրիտանիան միշտ Ռուսաստանին նայել է «ռուսաֆոբ ոսպնյակով», իսկ այսօր Միացյալ Թագավորությունը, որպես «միջին տերություն», վատ է հարմարվում իր կայսերական կարգավիճակի կորստին։ «Եվրոպային անհրաժեշտ է Ռուսաստանը՝ որպես թշնամի, որպեսզի արդարացնի անվտանգության ծախսերը և միասին պահի աստիճանաբար քայքայվող Եվրամիությունը»,-ասվում է տեքստում։

«Ուկրաինան օգտագործվում է պրոքսի պատերազմում այն ​​պատճառներով, որոնք կապ չունեն երկրի շահերի հետ։ Ուկրաինայի սահմանները վերագծվում են, իսկ նրա ինքնիշխան տարածքը վերասահմանվում է երկրից դուրս գտնվող ուժերի կողմից»,- գրում է The Hill-ը։

Հոդվածում նշվում է, որ այսօր Ուկրաինան ինքնիշխան է միայն անվանապես, և Մեծ Բրիտանիան, ԱՄՆ-ը, ԵՄ-ն և Ռուսաստանը տարածքային զիջումների և քաղաքական վերահսկողության միջոցով որոշում են, թե ինչպիսին կլինի նրա անկախությունը։