Ուկրաինայի հարցով Սթարմերի ծրագրերը «քաղաքական թատրոն» են․ Telegraph
Վերլուծական
Բրիտանացի զինվորականները քաղաքական թատրոն են անվանել այսպես կոչված «ցանկացողների կոալիցիայի» խաղաղապահներին Ուկրաինա ուղարկելու վարչապետ Քիր Սթարմերի ծրագրերը։ Նրանց կարծիքով, վարչապետը շտապել է նման հայտարարություններ անել, քանի որ ոչ ոք պատկերացում չունի նման առաքելության մանրամասների մասին, հաղորդում է Telegraph պարբերականը՝ վկայակոչելով բարձրաստիճան ռազմական աղբյուրներ:
«Չկան որոշակի վերջնական ռազմական վիճակներ կամ ռազմավարական պլանավորման ենթադրություններ։ Այս ամենը քաղաքական թատրոն է։ Սթարմերը շտապել է՝ չհասկանալով, թե ինչի մասին է խոսում», - պարբերականին պատմել է զրուցակիցներից մեկը։
Աղբյուրներից մեկը հավելել է, որ ոչ Ռուսաստանում, ոչ էլ ԱՄՆ-ում չեն պաշտպանում Մեծ Բրիտանիայի գլխավորած կոալիցիայի գաղափարը եւ զգուշացրել է, որ դրա շուրջ բանակցությունները բարդանում են նրանով, որ «ոչ ոք չգիտի, թե որն է նրա առաքելությունը»:
«Որն է դրա առաքելությունն ու օրինականությունը: Որոնք են մարտական գործողությունների վարման կանոնները: Ինչպես է ամեն ինչ կորդինացվում: Որքան ժամանակ ուժերը կմնան այնտեղ և ինչու: Ոչ ոք չգիտի», - ասել է պարբերականի աղբյուրը։
ՈՒՂԻՂ ԵԹԵՐ
Ամենադիտված 
Եկեղեցու դեմ արշավին միացած մոլի նիկոլականը, պարզվում է. Ռոսիա մոլի աշխատակից է
