Չինաստանում վիրուս է ստեղծվել, որն օգնում է օրգանիզմին ոչնչացնել քաղցկեղային բջիջները

Չինաստանի Գուանսիի համալսարանի գիտնականները գտել են քաղցկեղի բջիջները խոզի բջիջների «քողարկման» միջոց, որպեսզի դրանք ավելի արդյունավետ կերպով ոչնչացվեն իմունային համակարգի կողմից: Հետազոտության արդյունքները հրապարակվել են Cell ամսագրում:

Մեթոդը հիմնված է ուռուցքի մեջ հատուկ մոդիֆիկացված վիրուսի ներմուծման վրա, որը ստիպում է օրգանիզմին քաղցկեղային բջիջներն ընկալել որպես խոզի բջիջներ։ Այս ազդեցությունը ձեռք է բերվում α1,3GT գենի շնորհիվ, որն առաջացնում է սպիտակուցի արտադրություն, որը հրահրում է մերժման ռեակցիա, որը նման է օրգանների փոխպատվաստման ժամանակ տեղի ունեցողին: Ի պատասխան՝ իմունային համակարգը ակնթարթորեն ճանաչում է բջիջները որպես օտար և սկսում է ակտիվորեն ոչնչացնել դրանք։

Տեխնիկայի կլինիկական փորձարկումներին մասնակցել են 23 հիվանդ՝ քաղցկեղի ծանր ձևերով, որոնք չեն ենթարկվում ավանդական բուժմանը: Օգտագործելով մոդիֆիկացված վիրուս՝ հնարավոր է եղել կասեցնել ուռուցքների աճը հետազոտվողների 90%-ի մոտ։ Գիտնականները նաև պարզել են, որ մեթոդն օգնել է արգանդի վզիկի քաղցկեղով հիվանդի մոտ հասնել լիակատար ռեմիսիայի: Վիրուսի ներարկումները կատարվել են ներերակային և գործել համակարգային՝ առանց առողջ հյուսվածքի վնասման կամ լուրջ կողմնակի բարդություններ առաջացնելու:

Հետազոտողների կարծիքով՝ մեթոդի արդյունավետությունը բացատրվում է ուռուցքը սնուցող արյունատար անոթների քայքայմամբ, քաղցկեղային բջիջների զանգվածային մահով և օրգանիզմի իմունային ուժեղ արձագանքով։ Ներկայումս նախատեսվում է կլինիկական փորձարկումների երկրորդ փուլը՝ տեխնոլոգիայի հետագա ուսումնասիրության համար:

Թարգմանությունը՝ Մանուել Թամազյանի