Տարածաշրջանում էսկալացիայի վտանգ կա․ Իրանի ԱԳ նախարար

Իրանի ԱԳ նախարար Աբբաս Արաղչին մամուլի ասուլիսի ժամանակ անդրադարձել է վերջին շրջանում Բաքվից հնչող սպառնալից հայտարարություններին և մեկնաբանել տարածաշրջանում նոր էսկալացիայի հնարավորությանը։

«Տարածաշրջանում էսկալացիայի մեծացման վտանգ գոյություն ունի։ Հուսով ենք, որ այդ խաղաղության պայմանագրի ստորագրմանը զուգահեռ այդ վտանգները նվազագույնին կհասնեն, և տարածաշրջանում ականատես կլինենք կայունությանը»,– ասել է իրանցի նախարարը՝ ընդգծելով, որ դա բոլորի շահերից է բխում: