ԿՀՎ-ն թունավորել է ԽՍՀՄ-ին մատակարարվող կուբայական շաքարը. WP

Սառը պատերազմի տարիներին ԿՀՎ-ն Կուբայական շաքարավազը թունավորելու գործողություն է իրականացրել, որն արտահանվում էր ԽՍՀՄ, գրում է Washington Post-ը՝ վկայակոչելով գաղտնազերծված փաստաթղթերը։

«Գաղտնի գործողության ընթացքում ԿՀՎ-ն Կուբայից Խորհրդային Միություն մեկնող բեռնատար նավի վրա աղտոտել է 800 պարկ շաքարավազ: Աղտոտող նյութը քիմիական նյութ էր, որն օգտագործվում էր սպիրտի դենատուրացման գործընթացում, որը շաքարի ամբողջ խմբաքանակը` 80 000 պարկ, դարձրեց ոչ պիտանի մարդու օգտագործման համար, երբ այն մշակվում էր Խորհրդային Միությունում: Փաստաթղթի համաձայն, աղտոտումը վտանգավոր չէր, բայց «այն այնքան ուժեղ է ազդել ընկալման վրա, որ զգալի ժամանակահատվածում փչացրել է սպառողի համի զգացումը ցանկացած սննդի կամ խմիչքի նկատմամբ», - ասվում է նյութում:

Բնօրինակ փաստաթղթում նշվում է նաև, որ ԿՀՎ-ի միջամտությունն աննկատ է մնացել, և ԽՍՀՄ-ին հասցված գնահատված կորուստները 1962 թվականի փոխարժեքով կազմել են 350-400 հազար դոլար:

Գաղտնազերծված փաստաթղթերում նշվում է նաև ԿՀՎ-ի ազդեցությունը Պերուի, Հունաստանի, Իտալիայի և Բրազիլիայի ընտրություններում։ Բացի այդ, մանրամասներ են ներկայացվում Կուբայում Ֆիդել Կաստրոյի կառավարության դեմ ուղղված, այսպես կոչված, «Կուբայական նախագծի» («Մանգուստ» օպերացիա) ընդլայնման մասին։ Այսպիսով, ենթադրվում էր, որ ծրագրի անձնակազմը կավելանա մինչև 600 մարդ, իսկ 1963-1964 թվականների բյուջեն կավելանա ավելի քան 100 միլիոն դոլարով։ Այս թվերը նույնպես գաղտնի են պահվել վերջին հրապարակման ժամանակ: