ԱՄՆ-ն ընդունել է Ռուսաստանի ազդանշանը Սև ծովի վերաբերյալ հստակ երաշխիքների մասին. Լավրով

Սևծովյան նախաձեռնությունը վերսկսելու համար Ռուսաստանից հստակ երաշխիքներ կպահանջվեն։ Այս մասին Առաջին ալիքին տված հարցազրույցում ասել է ՌԴ ԱԳ նախարար Սերգեյ Լավրովը՝ նշելով, որ նման երաշխիքներ կարող են տրվել միայն Վաշինգտոնի պատվերով՝ Վոլոդիմիր Զելենսկիին։

«Մեզ հստակ երաշխիքներ են պետք։ Եվ երաշխիքներ կարող են լինել։ Հաշվի առնելով ուղղակի Կիևի հետ պայմանավորվածությունների տխուր փորձը՝ երաշխիքները կարող են լինել միայն Վաշինգտոնից՝ Զելենսկիին և նրա թիմին տրված հրահանգի արդյունքը»,- ասել է նախարարը։

Նա նշել է, որ ԱՄՆ-ը լսել է Ռուսաստանի Դաշնության ազդանշանը երաշխիքների վերաբերյալ։

«Ինձ թվում է, որ մեր ամերիկացի գործընկերները ստացել են այդ ազդանշանը, նրանք հասկանում են, որ միայն Վաշինգտոնը կարող է դրական արդյունքների հասնել ահաբեկչական հարձակումները կասեցնելու, քաղաքացիական ենթակառուցվածքների գնդակոծման դադարեցման, ռազմարդյունաբերական համալիրի հետ չկապված էներգետիկ ենթակառուցվածքների վրա»,- նշել է ՌԴ ԱԳՆ ղեկավարը։