Գերմանիայի կանցլեր Օլաֆ Շոլցն ու նրա կաբինետի 14 նախարարները պաշտոնապես հրաժարական են տվել
Համաշխարհային Մամուլ
Գերմանիայի նախագահ Ֆրանկ-Վալտեր Շտայնմայերը Բելլյու պալատում պաշտոնանկ անելու նամակներ է ներկայացրել Գերմանիայի կանցլեր Օլաֆ Շոլցին և դաշնային կառավարության 14 անդամներին՝ կապված նրանց լիազորությունների դադարեցման հետ։ Այս մասին մարտի 25-ին հայտնել է Spiegel հրատարակությունը։
Շտայնմայերը բարձր է գնահատել հեռացող կանցլերի կառավարության աշխատանքը կորոնավիրուսային համաճարակի, ուկրաինական հակամարտության և Գազայում տիրող իրավիճակի ժամանակ։
«Օլաֆ Շոլցը և նրա կաբինետը պաշտոնանկության վկայականներ են ստացել Ֆրանկ-Վալտեր Շտայնմայերից և այժմ իշխանության ղեկին են միայն՝ որպես պաշտոնակատար»,- ասվում է հրատարակության հոդվածում։
Գերմանիայում փետրվարի 23-ին տեղի են ունեցել Բունդեսթագի արտահերթ ընտրություններ, որոնցում հաղթել է Քրիստոնեադեմոկրատական և Քրիստոնեասոցիալական միության (ՔԴՄ/ՔՍՄ) ընդդիմադիր դաշինքը՝ հավաքելով ձայների գրեթե 28,6%-ը։ Երկրորդ տեղը զբաղեցրել է «Այլընտրանք Գերմանիայի համար» (AfD) կուսակցությունը՝ 20,8 տոկոսով։
ՈՒՂԻՂ ԵԹԵՐ
Ամենադիտված 
Պլանային ջրանջատում․ տասնյակ հասցեներում ջուր չի լինի
