ԱՄՆ-ի խոշոր ընկերությունները դժգոհ են Թրամփի արտաքին տնտեսական քաղաքականությունից. WSJ

ԱՄՆ կորպորատիվ գործադիր տնօրեններն ու լոբբիստները խորապես մտահոգված են նախագահ Դոնալդ Թրամփի արտաքին քաղաքականությամբ, որը նրանք համարում են «անհեթեթ»: Նրանք պարբերաբար զանգահարում են նախագահական թիմի անդամներին, գրում է The Wall Street Journal-ը «Կորպորատիվ Ամերիկայի էյֆորիան Թրամփի «ոսկե դարի» վերաբերյալ» վերնագրով հոդվածում։

Սպիտակ տունը զգայուն է բիզնեսի մտահոգությունների նկատմամբ, սակայն թերթի աղբյուրները վստահ չեն, որ Թրամփին համոզում են չափավոր և հասցեական մոտեցման օգտին ներկայացված փաստարկները։ Նա բազմիցս գովաբանում էր մաքսատուրքերի օգտակարությունը նախընտրական ելույթներում, բայց ներդրողները և խոշոր ընկերությունները ակնկալում էին, որ Թրամփը կթուլացնի հռետորաբանությունը և կկենտրոնանա հիմնականում տնտեսական աճի խթանման, Չինաստանի դեմ մաքսատուրքերը թիրախավորելու և հիմնական արդյունաբերություններին աջակցելու վրա։

WSJ-ը հիշեցնում է, որ Թրամփի երկրորդ նախագահական ժամկետի նախօրեին և առաջին շաբաթներին ամերիկյան ֆոնդային շուկայի ինդեքսները լավատեսական աճ են ցույց տվել։ Այնուամենայնիվ, Միացյալ Նահանգների խոշորագույն առևտրային գործընկերների՝ Կանադայի և Մեքսիկայի հետ մաքսատուրքերի պատերազմի մեկնարկից հետո, այդ ձեռքբերումները զրոյացան: Ժամանակի ընթացքում շուկան մասամբ վերականգնվեց աշնանից, սակայն Թրամփը մաքսատուրքերի նոր փաթեթ է պատրաստում ապրիլի 2-ի համար: