Մասկը Financial Times-ի լրագրողներին մեղադրել է անգործունակության մեջ

Ամերիկացի ձեռնարկատեր և Tesla-ի հիմնադիր Իլոն Մասկը քննադատել է բրիտանական Financial Times (FT) հրատարակությանը իր ավտոմեքենաների ընկերության ֆինանսական հաշվետվությունների սխալ վերլուծության համար՝ լրագրողներին մեղադրելով ոչ կոմպետենտության մեջ։ 

«Պարզվում է՝ Financial Times-ը ֆինանսից չի հասկանում»,- այսպես է Մասկը մեկնաբանել X սոցցանցում FT հոդվածի վրա ուշադրություն հրավիրած օգտատիրոջ գրառումը։

Ինչպես գրում է թերթն ինքը, լրագրողները նախկինում հարցեր ունեին 2024 թվականի երկրորդ կիսամյակում Tesla-ի 6,3 միլիարդ դոլար կապիտալ ներդրումների և համախառն ակտիվների արժեքի 4,9 միլիարդ դոլարի միաժամանակ ավելի փոքր աճի միջև:

Financial Times-ն իր հրապարակման մեջ նշել է, որ 1,4 միլիարդ դոլար ընդհանուր տարբերությունից ընկերությունը 689 միլիոն դոլար է ծախսել պարտքային պարտավորությունները մարելու համար և 270 միլիոն դոլար ստացել ակտիվների վաճառքից։ Մոտավորապես 500 միլիոն դոլարի մնացած տարբերությունը, ինչպես պարզաբանվում է հրապարակման մեջ, կարելի է վերագրել փոխարժեքի տատանումներին, ոչ նյութական ակտիվների դուրսգրմանը և ակտիվների վաճառքին այնպիսի գներով, որոնք չեն ծածկում դրանց լրիվ ամորտիզացված արժեքը։