Ինչու է Լավրովը երախտագիտություն հայտնել Մոդիին

Ռուսաստանը երախտապարտ է Հնդկաստանին և անձամբ նրա վարչապետ Նարենդրա Մոդիին Ուկրաինական կարգավորման հարցում հավասարակշռված դիրքորոշման համար։ Այս մասին հայտարարել է ՌԴ ԱԳ նախարար Սերգեյ Լավրովը՝ «Ռուսաստան և Հնդկաստան. դեպի երկկողմ հարաբերությունների նոր օրակարգ» միջազգային հարցերով ռուսական խորհրդի համաժողովի մասնակիցներին ուղղված տեսաուղերձում, գրում է ՏԱՍՍ-ը։ 

«Կցանկանայի առանձին երախտագիտություն հայտնել ռուսական կողմին այն բանի համար, որ Հնդկաստանը, անձամբ վարչապետ Նարենդրա Մոդին մշտապես հավասարակշռված դիրքորոշում են ցուցաբերում ուկրաինական ճգնաժամի վերաբերյալ եւ հանդես են գալիս դրա կարգավորման օգտին՝ երկխոսության միջոցով եւ այդ հակամարտության արմատական պատճառների վերացմամբ»,-ասել է նախարարը:

Ինչպես ընդգծել Է Լավրովը, Մոսկվայի և Նյու Դելիի հարաբերությունները «ամուր նյութական բազա ունեն»:

«Աստիճանաբար ընդլայնվում է առևտրատնտեսական փոխգործակցությունը։ Մենք հաջողությամբ հաղթահարում ենք դրան խանգարող առանձին չարակամների փորձերը», - նշել է ԱԳ նախարարը։

Ռուսական դիվանագիտության ղեկավարը հատուկ ընդգծել է, որ երկու պետությունների միջև դինամիկ զարգանում է քաղաքական երկխոսությունը:

«Դրան նպաստում է այն, որ Մոսկվան եւ Նյու Դելին մոտ կամ նույնիսկ համընկնող հայացքներ ունեն օբյեկտիվորեն ձևավորվող բազմաբևեռ աշխարհակարգի վերաբերյալ»,- հավելել Է Լավրովը։