2 մլրդ 15 մլն դրամ արժեքով կհամաֆինանսավորվի 17 համայնքի 23 ծրագիր. Փաշինյան
Հայաստան
Առաջարկվում է համաֆինանսավորել 17 համայնքի 23 ծրագիր ընդհանուր 2 մլրդ 15 մլն դրամ արժեքով: Այդ մասին, այսօր՝ մարտի 27-ին, կառավարության նիստի ժամանակ ասաց ՏԿԵ նախարար Դավիթ Խուդաթյանը՝ ներկայացնելով համայնքների ենթակառուցվածքների զարգացմանն ուղղված սուբվենցիոն ծրագրերը համաֆինանսավորելու վերաբերյալ որոշման նախագիծը:
Ըստ մարզերի՝ բաշխվածությունը հետևյալ պատկերն ունի. Արագածոտնի մարզ՝ 240 մլն դրամ, Արարատի մարզ՝ 370 մլն դրամ, Արմավիրի մարզ՝ 113 մլն դրամ, Գեղարքունիքի մարզ՝ 1 մլրդ 85 մլն դրամ, Կոտայքի մարզ՝ 54 մլն դրամ, Շիրակի մարզ՝ 156 մլն դրամ, Սյունիքի մարզ՝ 7,6 մլն դրամ, Տավուշի մարզ՝ 127 մլն դրամ:
Վարչապետ Նիկոլ Փաշինյանը թվարկեց տարբեր համայնքներում իրականացվող և իրականացված ծրագրերը, որոնք ներառում են ջրահեռացման համակարգի, կեղտաջրերի մաքրման կայանի, ջրագծի, ոռոգման ջրատարների և խորքային հորերի, լուսավորության ցանցի համակարգի կառուցման աշխատանքներ, ինչպես նաև ճանապարհների հիմնանորոգման, տանիքների վերանորոգման, ջրամատակարարման ցանցերի վերակառուցման, կանգառների և մանկապարտեզների համար գույքի ձեռքբերման և այլ աշխատանքներ:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
