Ռուսաստանում մշակել են նորարարական լուծում կարիեսի բուժման համար
Գիտություն և Մշակույթ
Նովգորոդում մշակել են նորարարական լուծում, որը կօգնի կարիեսի բուժմանը։ Այս մասին հայտնում է Naked Science-ը՝ վկայակոչելով Նովգորոդի պետական համալսարանի մամուլի ծառայությունը։
Մասնագետների տվյալներով՝ նոր լուծույթի կազմին ավելացրել են օգտակար միկրոօրգանիզմներ, ինչպիսիք են Streptococcus salivarius-ը եւ Lactobacillus-ը։ Նրանք բոլորը ակտիվ պայքարում են պաթոգեն միկրոֆլորայի դեմ, հաջողությամբ ոչնչացնում են օտիտ և ֆարինգիտ առաջացնող բակտերիաները, ինչպես նաև դանդաղեցնում են վտանգավոր ստաֆիլոկոկերի և Escherichia coli-ի աճը:
Բացի այդ, միկրոօրգանիզմները օգնում են կանխել կարիեսի և լնդերի հիվանդությունների զարգացումը, որոնց առաջացման համար սովորաբար պատասխանատու են այնպիսի բակտերիաներ, ինչպիսիք են Streptococcus mutans-ը և Porphromonas gingivalis-ը:
Այսպիսով, ըստ եզրակացության, արտադրանքի ակտիվ օգտագործումը որպես ողողիչ թույլ կտա դադարեցնել կարիեսի առաջացումը և բարելավել բերանի խոռոչի վիճակը:
Ինչպես հայտարարել է նախագծին մասնակցող Պոլինա Գրաբեժևան, մշակման առավելությունն այն է, որ այս բաղադրությունը կարող է օգտագործվել ոչ միայն որպես ողողման միջոց, այլև որպես հակասեպտիկ:
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
