Կապ է հայտնաբերվել սրտի հիվանդությունների և ուղեղի փոփոխությունների միջեւ
Գիտություն և Մշակույթ
Ռոտերդամի Էրազմի համալսարանի գիտնականները պարզել են, որ սրտի հետ կապված խնդիրների վաղ նշանները կարող են ի հայտ գալ ուղեղի ծավալի նվազման հետ միաժամանակ: Հետազոտության արդյունքները հրապարակվել են Neurology ամսագրում։
Գիտնականները նման եզրակացության են եկել Եվրոպայում եւ ԱՄՆ-ում անցկացված յոթ հետազոտությունների մետա-վերլուծության արդյունքում:
Դրանց մասնակցել է 67 տարեկան 10 889 մարդ։ Աշխատանքները նպատակ ունեին ուսումնասիրել սրտի հիվանդության վաղ նշանների և ուղեղի փոփոխությունների միջև կապը:
Կամավորների ուղեղի չափերը գնահատելու համար օգտագործվել է ՄՌՏ սկանավորում։ Արդյունքները ցույց են տվել, որ սիստոլիկ և դիաստոլիկ դիսֆունկցիան փոխկապակցված են ուղեղի ծավալի նվազման հետ:
Առաջին դեպքում սրտի ձախ փորոքը արդյունավետորեն մղում է արյունը, իսկ երկրորդում այն չի հանգստանում ինչպես հարկն է: Պարզվել է նաև, որ դիաստոլիկ դիսֆունկցիայի դեպքում նկատվում է հիպոկամպի ծավալի նվազում:
«Նույնիսկ թեթեւ դիաստոլիկ դիսֆունկցիան կարող է բացասաբար ազդել ուղեղի վիճակի վրա։ Սրտի հետ կապված խնդիրներ ունեցող մարդկանց կոգնիտիվ խանգարումների հետազոտումը կօգնի վաղ փուլում բացահայտել ուղեղի աշխատանքի խնդիրները եւ սկսել անհրաժեշտ բուժումը», - եզրափակել են գիտնականները:
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
