Ցմահ ազատազրկման դատապարտված սերիական մարդասպան «Բժիշկ մահը» կարող է ազատ արձակվել

«Բժիշկ մահ» մականունով հայտնի սերիական մարդասպան Մաքսիմ Պետրովը կարող է պայմանական վաղաժամկետ ազատ արձակվել 25 տարվա ազատազրկումից հետո։ Այս մասին գրում է Life-ը՝ SHOT Telegram ալիքին հղումով։

Ինչպես ալիքին ասել է քրեագետը, գաղութի վարչակազմը կարող է համապատասխան որոշում կայացնել, եթե Պետրովը դրական բնութագիր ունենա, և վերջին չորս տարիների ընթացքում լուրջ խախտումներ չլինեն։

Մինչ ազատազրկումը՝ Պետրովն աշխատել է՝ որպես շտապօգնության բուժաշխատող։ 1997 թվականից մինչև 2000 թվականը «Բժիշկ մահը» բժշկական օգնություն ցույց տալու անվան տակ մտել է թոշակառուների տներ, որտեղ իր զոհերին քնաբեր է ներարկել, ապա թալանել նրանց։ Բայց մարդկանց մեծ մասը սկզբում ողջ մնացել։

Պետրովն իր առաջին սպանությունը կատարել է 1999 թվականին, երբ հանցագործության վայրում նրան բռնել է զոհերից մեկի դուստրը։ Ներարկումից հետո տուժածն անգիտակից վիճակում է եղել։ Մոլագարը պտուտակահանով հարվածել է կնոջն ու խեղդամահ արել ուշագնաց տղամարդուն, քանի դեռ նա քնած է։ Դրանից հետո «Բժիշկ Մահը» սկսել է ներարկել թմրանյութերի մահացու չափաբաժիններ։ Նա գողացել է գումար, ոսկյա իրեր, կենցաղային տեխնիկա, սնունդ և այլ իրեր, իսկ հետո այրել է տունը հետքերը ծածկելու համար։

Պետրովը ձերբակալվել է Սանկտ Պետերբուրգի Վասիլևսկի իր բնակարանում 2000 թվականի հունվարի 17-ին: Նրա տանը հայտնաբերվել է զոհերից գողացված գույք, սակայն նրան հաջողվել է վաճառել դրա մի մասը: Ընդհանուր առմամբ, «Բժիշկ Մահը» իր «կարիերայի» ընթացքում կատարել է 46 կողոպուտ և 11 ապացուցված սպանություն։ Այժմ նա 59 տարեկան է։ Նա կարող է ապրիլին դիմել պայմանական վաղաժամկետ ազատման համար: