Թաիլանդում երկրաշարժի հետևանքով զոհերի թիվը հասել է 3-ի (լուսանկարներ)

Թաիլանդում տեղի ունեցած երկրաշարժի հետևանքով՝ երեք մարդ է զոհվել, ևս 81-ը անհետ կորել է։ Այս մասին հայտարարել է Բանգկոկի նահանգապետ Չադչարտ Սիթիպունտը, փոխանցում է Reuters-ը։

Նահանգապետի խոսքով, այս պահին հնարավոր են հետագա ցնցումներ։ Սիթիպունտը հանգստության կոչ է արել։ «Իրավիճակը վերահսկելի է»,-նշել է քաղաքապետը։

Թայլանդական Khaosod հրատարակության տվյալներով՝ երկրաշարժի ժամանակ բոլոր զոհվածները գտնվել են Բանգ Սու թաղամասում կառուցվող Պետական ​​աուդիտի վարչության շենքի տարածքում։