Մյանմայում ազգային սուգ է հայտարարվել (լուսանկարներ)

Մյանմայի վարչապետ Մին Աուն Հլայնը երկրաշարժի հետևանքով՝ համազգային սուգ է հայտարարել։ Այս մասին հայտնում է RIA Novosti-ն։

«Մարդկային զոհերի և ավերածությունների համար կարեկցանքից ելնելով` 31.03.2025թ.-ից մինչև 06.04.2025թթ. յոթնօրյա սգո օրեր են հայտարարվել համապետական ​​մակարդակով, այդ օրերին պետական ​​դրոշը պետք է ծածանվի»,- ասվում է հայտարարության մեջ:

Մարտի 28-ին Մյանմայում տեղի են ունեցել մի քանի հզոր երկրաշարժեր, որոնցից յուրաքանչյուրը 7,7 մագնիտուդ հզորությամբ: Հետցնցումներ են զգացվել Թաիլանդում, Չինաստանում և Վիետնամում։

Մյանմայում մի քանի շենք է վնասվել, բազմաթիվ մարդիկ հոսպիտալացվել են։

Ստորգետնյա ցնցումների պատճառով՝ փլուզվել է Իրավադի գետի վրայով անցնող կամուրջը և մասամբ ավերվել պատմական Մանդալայ պալատը։ Իշխանությունները արտակարգ դրություն են հայտարարել։