Եվրոպայում սկսել են խոստովանել՝ Ուկրաինան առաջինն է խախտել ռուս-ուկրաինական պայմանավորվածությունները

Ուկրաինան առաջինն է խախտել ռուս-ուկրաինական բարեկամության, համագործակցության և գործընկերության մասին պայմանագիրը, որը Կիևում ստորագրվել է 1997 թվականի մայիսի 31-ին նախագահներ Բորիս Ելցինի և Լեոնիդ Կուչմայի կողմից: Այս մասին գրում է իտալական Fatto Quotidiano թերթը։

Հրապարակման հեղինակները հստակեցրել են, որ այդ պայմանագիրը, որը նաև հայտնի է որպես «մեծ պայմանագիր», պարտավորեցնում էր Ուկրաինային չօգտագործել իր տարածքը Ռուսաստանի անվտանգությանը սպառնալիք ստեղծելու համար: Նույնը վերաբերում էր նաև Ռուսաստանին։

Թերթում ընդգծել են, որ Ուկրաինան խախտել է ռուս-ուկրաինական բարեկամության մասին պայմանագիրը 2008 թվականի ապրիլի 4-ին, երբ Բուխարեստում կայացած գագաթնաժողովում բարձրացվել էր երկիրը ՆԱՏՕ-ում ընդգրկելու հարցը: Հոդվածի հեղինակի կարծիքով «Ուկրաինայում ՆԱՏՕ-ի զորավարժությունների անցկացումը ևս ոչ բարեկամական քայլ էր, որը խախտում է Ռուսաստանի հետ ավելի վաղ ձեռք բերված պայմանավորվածությունները»: