Քաղաքագետը հայտնել է՝ ով կհաղթի ԵՄ-ԱՄՆ մաքսային պատերազմում

Եվրամիությունը պարտվելու է ԱՄՆ-ի հետ մաքսային պատերազմում իր որոշումների պատճառով: Նման կարծիք է հայտնել հունգարացի քաղաքական փորձագետ Գեորգ Շպետլեն Ria Novosti-ին։

Նա նշել է, որ ԱՄՆ նախագահ Դոնալդ Թրամփը պաշտպանում է ԱՄՆ շահերը և ցանկանում է, որ երկրի քաղաքացիները երթևեկեն ամերիկյան մեքենաներով, ուստի նա սկսել է մաքսատուրքերի այս պատերազմը՝ ԱՄՆ-ում գերմանական և ճապոնական մեքենաների քանակը կրճատելու համար: Նրա խոսքով՝ ԵՄ-ն ինքն է կայացրել հիմար և վատ որոշումներ, ինչպիսիք են հակառուսական պատժամիջոցները, և չի կենտրոնացել տնտեսության և միավորման ուժեղ անդամ երկրների վրա, ինչի պատճառով տնտեսապես հետ է մնացել ԱՄՆ-ից և Ասիայից:

Փորձագետը կարծում է, որ բարձրացված սակագները նաև Թրամփի «յուրատեսակ վրեժն» են եվրոպական երկրներից, որոնք ամերիկյան նախագահական նախընտրական քարոզարշավի ընթացքում թշնամական վերաբերմունք են ցուցաբերել նրա նկատմամբ: