«Ժողովուրդ». Հանուն իշխանության չընտրվելու` մարդիկ պատրաստ են Ղուկասյանին հետ բերել

«Ժողովուրդ» օրաթերթը գրում է. «Ըստ «Ժողովուրդ» օրաթերթի տեղեկությունների՝ երեկ՝ Մարտուն Գրիգորյանի երկար սպասված հայտարարությունից հետո, ՔՊ-ում աժիոտաժ է սկսվել, քանի որ հայտարարում էին, թե Վարդան Ղուկասյանը միայնակ չկարողացավ անցնել, եւ ընդդիմությանը միավորվելու դեպքում միայն ի վիճակի եղավ հասնելու մի քաղաքապետի ընտրության։

Այս իրադարձությանն անդրադարձ է կատարել նաեւ վարչապետի մամուլի խոսնակ Նազելի Բաղդասարյանը, սպառնացել՝ ասելով, թե Ղուկասյանի ընտրվելու դեպքում թեժ իրավիճակներ են սպասվում եւ ապա ավելացրել է՝ «գյումրեցու գլխից մազ պակասեց՝ դուք եք պատասխան տալու»։ ՔՊ-ականները միաբերան քաղաքացիներին էին մեղադրում, թե խաբվեցին:

Այսպիսով, թեեւ իշխանությունը քննադատում է ընդդիմությանը, որ իրենց դեմքով չեն ներկայացել ընտրություններին, խաբել են, սակայն, հարկ ենք համարում արձանագրել, որ իշխանությունն էլ խուսափեց ՔՊ-ի դեմքով ներկայանալուց, «բերեց» «Լուսավոր Հայաստան» խմբակցության նախկին պատգամավոր, անարատ կենսագրությամբ Սարիկ Մինասյանին։ Իհարկե, Փաշինյանի գահավիժող վարկանիշով իշխանությանը չփրկեց անգամ Սարիկ Մինասյանի անարատ անցյալը, որովհետեւ գյումրեցին, եւ ընդհանրապես ողջ հանրությունը գիտակցում է, որ իշխանությունն այլեւս չի տիրապետում իրավիճակին։

Նրանց չընտրվելու համար մարդիկ պատրաստ են անգամ Վարդան Ղուկասյանին հետ բերել»։

Առավել մանրամասն թերթի այսօրվա համարում