Իրանի զինված ուժերը մարտական բարձր պատրաստության վիճակի են բերվել․ Reuters

Իրանի գերագույն առաջնորդ այաթոլլա Ալի Խամենեին հրամայել է երկրի զինված ուժերին մարտական բարձր պատրաստության վիճակի բերել։ Այս մասին, Gazeta.ru-ի փոխանցմամբ, հայտնում է Reuters գործակալությունը՝ հղում անելով անանուն իրանցի բարձրաստիճան պաշտոնյային։

«Գերագույն առաջնորդ այաթոլլա Ալի Խամենեին Իրանի զինված ուժերը մարտական բարձր պատրաստության վիճակի է բերել»,- ասվում է հայտարարության մեջ։

Նախօրեին Իրանի նախագահ  Մասուդ Փեզեշքիանը հայտարարել էր Վաշինգտոնի հետ հավասար երկխոսության Թեհրանի պատրաստակամության մասին։ Ելույթ ունենալով կաբինետի անդամների հետ՝ Փեզեշքիանն ընդգծել էր Իսլամական Հանրապետության՝ փոխադարձ հարգանքի վրա հիմնված բանակցությունների ցանկության մասին։