Ասադը համաներում է հայտարարել Սիրիայի ցուցարարների համար

Սիրիայի նախագահ Բաշար ալ-Ասադը համաներում է հայտարարել է հակառակավարական ցույցերի ժամանակ ձերբակալվածների նկատմամբ։ Ասադի որոշումը պաշտոնապես կհայտարարվի այն օրը, երբ 10 ամիս առաջ Սիրիայի Դարաա քաղաքում սկսվեցին զանգվածային բողոքի ցույցերը։ 

Ըստ սիրիական «SANA» լրատվական գործակալության՝ համաներումը տարածվում է այն անձանց վրա, ովքեր «2011 թվականի մարտի 15–ից մինչև 2012 թվականի հունվարի 15–ը ժամանակահատվածում հակակառավարական ցույցերի ժամանակ ձերբակալված և տարբեր տեսակի հանցագործություններ կատարածների վրա։ Համաներումը նաև կտարարծվի ընդդիմության կողմն անցած զինվորականների վրա, եթե նրանք մինչև հունվարի վերջը կամովի հանձնվեն իշխանություններին, ինչպես նաև ընդդիմության այն ներկայացուցիչների վրա, ովքեր ձեռքբերած ապօրինի զենքը հանձնեն իշխանություններին», – հաղորդում է սիրիական «SANA» լրատվական գործակալությունը։

Ըստ ՄԱԿ-ի տվյալների՝ Սիրիայում հակառավարական ցույցերի ժամանակ ձերբակալվածների թիվը կազմում է 14 հազ., իսկ ցույցերի ժամամակ զոհվածների թիվը ավելի քան 5 հազ. մարդ։