Մենք կշարունակենք մեր ջանքերը՝ Հարավային Կովկասում «երկարատև խաղաղության ապահովման» համար․ Էրդողան
Արտաքին Քաղաքական
Թուրքիան շարունակում է ջանքեր գործադրել բարեկամ երկրներում, ինչպիսիք են Ուկրաինան, Լիբիան, Սոմալին, Սուդանը, խաղաղություն հաստատելու համար։
Այս մասին Անթալիայի IV դիվանագիտական ֆորումի բացման ժամանակ հայտարարել է Թուրքիայի նախագահ Ռեջեփ Թայիփ Էրդողանը։
Նրա խոսքով՝ Թուրքիան կշարունակի նախաձեռնություններով հանդես գալ՝ Աֆրիկայում և Ասիայում «ճգնաժամերի կարգավորման գործում միջնորդելու համար»։
«Անկարան ձգտում է իր շուրջը ստեղծել խաղաղության և անվտանգության գոտի՝ հարևան երկրների հետ լավ հարաբերություններ հաստատելով, համագործակցության և առևտրի հնարավորությունները ընդլայնելով և հակամարտող կողմերի միջև երկխոսության կամուրջներ ստեղծելով։ Մենք չենք հավակնում որևէ մեկի հողերին կամ բնական պաշարներին», - ասել է Էրդողանը։
Նա նշել է, թե Թուրքիան շարունակում է ջանքերը՝ Հարավային Կովկասում «երկարատև խաղաղություն և կայունություն ապահովելու» համար։
«Մենք աշխատում ենք հարևան Հունաստանի հետ դրական մթնոլորտ պահպանելու ուղղությամբ, ուշադիր հետևում ենք Բալկաններում տեղի ունեցող իրադարձություններին և շարունակում ենք համագործակցել տարածաշրջանի երկրների հետ», - ասաց նա։
Էրդողանը նաև ընդգծել է, որ Թուրքիան շարունակում է ամրապնդել կապերը Կենտրոնական Ասիայի հետ։ «Թյուրքական պետությունների կազմակերպությունը մեծ ներդրում ունի մեր համագործակցության ամրապնդման գործում: Վերջերս մենք ակտիվացրել ենք մեր ջանքերը՝ (ինքնահռչակ – խմբ․) «Հյուսիսային Կիպրոսի» ինքնիշխանությունն ու միջազգային կարգավիճակը ճանաչելու ուղղությամբ», - ասել է Էրդողանը:
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
