ԱՄՆ-ի մաքսատուրքերի պատճառով՝ դոլարը հայտնվել է նոր սպառնալիքի առջև․ Bloomberg

Եվրոն փոխարինում է դոլարին՝ որպես ապահով ապաստան ներդրողների համար, քանի որ ԱՄՆ-ը մաքսատուրքեր է սահմանում օտարերկրյա ապրանքների վրա: Այս մասին գրում է Bloomberg-ը։

Ապրիլի 11-ի սակարկությունների ընթացքում եվրոյով օպցիոն գործարքների 75%-ը կնքվել է եվրոպական արժույթի հետագա ամրապնդման ակնկալիքով։ Առևտրականները չեն բացառում, որ մոտ ապագայում եվրոն կբարձրանա մինչև 1,2 դոլար, ինչը ամենաբարձր մակարդակն է 2021 թվականի կեսերից ի վեր։

«Եվրոն դառնում է դոլարի թուլության հիմնական շահառուն, քանի որ ներդրողները վերագնահատում են նրա դերը համաշխարհային ֆինանսական համակարգում»,- գրում է Bloomberg-ը։