Նիկոլ Փաշինյանի լայվով ներկայացրած հայտարարագիրը դեռ հրապարակված չէ

Պարզվում է՝ ՀՀ վարչապետ Նիկոլ Փաշինյանը մեզ ստել կամ կեղծել է, երբ հունվարի 21-ին իր հերթական  լայվով  իբր սեփական հայտարարագիրն է անձամբ լրացնում, որ հանձնի ՊԵԿ-ին՝ այդպիսով ցույց տալով, թե իբր համընդհանուր հայտարարագրման դեմ հանրային  ընդվզման պատճառ չկա, ամեն ինչ դյուրին է, դեռ մի բան էլ հավելեց, թե իր հայտարարագիրն ամբողջացնելու համար պակասում է երկու տվյալ՝

«2024-ի վարկերն ու ավանդի տոոսները պիտի լրացնեմ, տվյալներն եմ հավաքում», իսկ արդեն հունվարի 22-ին հայտնեց, որ հայտարարագիրը լրացրել է, և հանձնել»:

 Բեմադրված տեսանյութի հրապարակումից անցել է 3-4 ամիս Euromedia24.com-ը բացահայտեց, որ Նիկոլ Փաշինյանի 2024 թ հայտարարագիրը չկա, չի հրապարակվել:

Մնում է հասկանալ՝ սխալ է լրացրել, վարչապետն իր բարեփոխումից գլուխ չի հանել, թե հերթական պոպուլիստական շոուն էր, կամ գուցե ստել է, ինչպես մամուլն է հաճախ այդ ստերի ռումբերը պայթեցնում:

Ուսումնասիրելով Փաշինյանի հայտարարագրման մասին ընդհանուր տվյալները՝ նկատում ենք, որ նրա լրացրած տվյալները 2023 թ.-ին են վերաբերվում, որը ներկայացրել է 2024 թվականին:

Ըստ էության, վարչապետն արել է մի բան, որով պիտի հանրային դժգոհությունների ալիքը զսպեր, մյուս կողմից պիտի իր օրինակով որպես պարկեշտ ու օրինապահ առաջնորդ ծառայեր օրենքին, բայց ստացվեց անհարգալից վերաբերմունք քաղաքացիների հանդեպ:

Հիշեցնենք, որ 2025 թվականից համընդհանուր հայտարարագրման համակարգի գործարկման ժամկետը ֆիզանձանց համար հետաձգվել է մայիսից նոյեմբերի 1-ը: