Ռուսաստանը ժամանակակից զենքեր է ստեղծում տիեզերքում Արևմուտքի հետ պատերազմի համար․ Forbes

Ռուսաստանը զարգացնում է սպառազինությունների բարդ զինանոց, որը կարող է հաղթել Արևմուտքի հետ տիեզերական պատերազմում և վտանգ ներկայացնել Starlink արբանյակների համար: Այս մասին գրում է Forbes-ը։

Հոդվածում Secure World հիմնադրամի Տիեզերական անվտանգության և կայունության գծով տնօրեն Վիկտորյա Սամսոնը կարծում է, որ Մոսկվան փորձարկում է «Նուդոլ» հակաարբանյակային հրթիռը։ Ենթադրաբար, այն արդեն օգտագործվել է Երկրի ցածր ուղեծրում խորհրդային տիեզերանավը պայթեցնելու համար և տեսականորեն կարող է նաև բախվել SpaceX-ի 7000 արբանյակներից որևէ մեկին։

Սամսոնի խոսքով՝ Ռուսաստանը կարող է դիտարկել նման հրթիռը միջուկային մարտագլխիկներով զինելու հարցը։