Երևանի երկաթուղային կայարանում բացվել է «Նախաստեղծ Ռուսաստան» լուսանկարչական ցուցահանդեսը

Ապրիլի 16-ին Երևանի «Սասունցի Դավիթ» երկաթտուրիզմի

կայարանի շենքում բացվեց լուսանկարչական ցուցահանդես, որը ներկայացված է «Նախաստեղծ Ռուսաստան» համառուսական բնապահպանական փառատոնի շրջանակում։ Ցուցահանդեսում ներկայացված են շուրջ երկու տասնյակ աշխատանքներ։ Միջոցառումն իրականացվել է «Ռուսական երկաթուղիներ» ԲԲԸ-ի նախաձեռնությամբ և «Հարավկովկասյան երկաթուղի» ՓԲԸ-ի աջակցությամբ։

«Նախաստեղծ Ռուսաստան» փառատոնն ամենախոշոր ցուցահանդեսային նախաձեռնությունն է Եվրոպայում, որը նվիրված է բնության լուսանկարչությանը և ընդգծում է բնական ժառանգության պահպանման, ինչպես նաև հազվագյուտ ու վերացող բուսական և կենդանական տեսակների պաշտպանության ու էկոլոգիական տուրիզմի զարգացման հիմնախնդիրները։

«Հարավկովկասյան երկաթուղի» ընկերության գլխավոր տնօրեն Ալեքսեյ Մելնիկովը իր ողջույնի խոսքում նշել է. «Ռուսական երկաթուղիներ» ԲԲԸ-ն փառատոնի երկարամյա գործընկերն է, և մենք մեծ գոհունակությամբ հյուրընկալում ենք ցուցահանդեսը Երևանում՝ համոզված լինելով, որ այն մեծ հետաքրքրություն կառաջացնի Հայաստանի քաղաքացիների շրջանում։ Ամեն տարի «Նախաստեղծ Ռուսաստան» փառատոնն բնության գեղեցկությունը գնահատողների առավել լայն շրջանակի ուշադրությունն է գրավում, ընդգծելով բնության պահպանման և կենսաբազմազանության պաշտպանության կարևորությունը: Սա հատկապես արդիական է տեխնոլոգիական աշխարհի արագ զարգացող պայմաններում»։ Ա․Մելնիկովի խոսքով՝ իր արդիականության շնորհիվ ցուցահանդեսը շարունակելու է գործել նաև Հայաստանի այլ խոշոր երկաթուղային կայարաններում։

Ցուցահանդեսի բացմանը մասնակցեցին ՌԴ դեսպան Սերգեյ Կոպիրկինը, Հայաստանում գործող ռուսական ընկերությունների և հասարակական կազմակերպությունների ներկայացուցիչներ, ինչպես նաև պետական մարմինների ներկայացուցիչներ։

Միջոցառման շրջանակներում իրենց կատարումներով հանդես եկան ՀԿԵ-ի գործընկեր Մ.Միրզոյանի անվան դպրոցի սաները: