Մոսկվայում հայտարարվել է վտանգի «դեղին» աստիճան

Մոսկվայում և Մոսկվայի մարզում ապրիլի 18-ի ժամը 21:00-ից մինչև ապրիլի 19-ի ժամը 9:00-ն հայտարարվել է եղանակային վտանգի «դեղին» մակարդակ: Այս մասին հայտնում է ՌԴ Հիդրոմետկենտրոնը։

Այս ժամանակահատվածում տարածաշրջանում սպասվում է ամպրոպ: Միևնույն ժամանակ, ուրբաթ օրը՝ ապրիլի 18-ին, մայրաքաղաքում սպասվում է ամպամած եղանակ՝ թույլ տեղումներով:

Գիշերը կդիտվի 9-11 աստիճան տաքություն, ցերեկը՝ 21 աստիճան տաքություն: Տեղումները հնարավոր են նաև շաբաթ օրը ՝ ապրիլի 19-ին: Սակայն այդ օրը ավելի տաք կլինի ՝ մինչև 21-23 աստիճան։

Ավելի վաղ հաղորդվել էր, որ Մոսկվայում ջերմաստիճանի նոր ռեկորդ է սահմանվել: Այս տարի ապրիլի 16-ը դարձել է ամենատաք օրը դիտարկումների ողջ պատմության ընթացքում։