ԱՄՆ-ն և Եվրոպան մինչև ապրիլի վերջ որոշում կկայացնեն Ուկրաինայում զինադադարի մասին

ԱՄՆ-ի և Ուկրաինայի եվրոպացի դաշնակիցները մտադիր են ապրիլի վերջին Լոնդոնում ընդունել հրադադարի ամբողջական ծրագիր, որն այնուհետև կներկայացվի Ռուսաստանին։ Այս մասին գրում է ամերիկյան The New York Post թերթը։

«Հաջորդ շաբաթ Լոնդոնում մենք ցանկանում ենք որոշում կայացնել ամբողջական և համապարփակ հրադադարի մասին», - մեջբերում է հրատարակությունը աղբյուրի խոսքերը։

Ինչպես նշել է ԱՄՆ նախագահ Դոնալդ Թրամփի վարչակազմի ներկայացուցիչը, սրանից հետո, ռուսական կողմի հետ հետագա բանակցությունների շրջանակներում, Արևմուտքը մտադիր է իր առաջարկները ներկայացնել Մոսկվային։

Աղբյուրները հավելել են, որ հակամարտության կարգավորման հաջորդ քայլերը կորոշվեն ապագայում։